Tēnā koutou,

E mihi ana ki tō whakaaro nui ki te whakauru i tāu tamaiti ki tēnei kura, ki tēnei whānau, otirā ki te kaupapa o Te Aho Matua.

Anei ngā tukanga e whai ake nei kia uru mai tāu tamaiti ki tēnei o ngā kura:

1. Whakaaro ki te uru mai ki roto i te kaupapa

   • Ka whakapā atu ki te tari.

   • Tuhia āu kōrero ki te puka tono kua tūhono ki tēnei whārangi.

   • Tukuna tō puka tono ki Ohuwhakauru@whakarewa.school.nz.

2. Hui me te ohu whakauru

   • Ka waea atu tētahi o te ohu whakauru ki a koe hei whakarite hui.

   • Hei whakawhitinga kōrero mō Te Aho Matua me ngā āhuatanga o te kura.

   • Hei whakarite hoki i tētahi wā e aromatawai ai te reo o te tamaiti.

3. Aromatawai reo

   • Ka aromatawai i te reo o te whānau, tāu tamaiti / āu tamariki.

   • Ki te kore te aromatawai reo e eke, ka tū ki konei.

   • Ka whai rautaki āwhina ki te whakapiki i te reo.

   • Ki te pai, ka kawea tō tono ki te hui whānau.

4. Whakatau whakamutunga e te whānau

   • Mā te whānau te whakatau whakamutunga, kia uru mai rānei tō whānau, kia kore rānei tō whānau e uru mai.

5. Pōhiri

   • Ki te whakaae ki tō tono, ka whakaritea e te whānau te pōhiri.

   • Ko te wiki tuarua me te wiki tuaono anake o ia wāhanga.

6. Wiki tuatahi

   • Me noho tētahi o te whānau ki te taha o tāu tamaiti / āu tamariki mō taua wiki tuatahi.

7. NAU MAI, HAERE MAI, KUHU MAI KI TE WHĀNAU O TKKM O WHAKAREWA I TE REO KI TŪWHARETOA!

Pēnā he pātai āu, tēnā īmera ohuwhakauru@whakarewa.school.nz.